Yanga SC imetangaza rasmi viingilio vya mechi yao ya marudiano ya Ligi ya Mabingwa Afrika dhidi ya Wiliete SC kutoka Angola, mchezo unaotarajiwa kuchezwa Jumamosi tarehe 27 Septemba 2025 katika Uwanja wa Benjamin Mkapa, Dar es Salaam.
Mashabiki wa soka nchini wanasubiri kwa hamu pambano hili ambalo litakuwa na nafasi kubwa ya kuamua hatma ya Yanga katika hatua za mwanzo za michuano ya CAF Champions League msimu wa 2025/2026.
Viingilio Rasmi vya Mechi
Kwa mujibu wa tangazo la klabu, tiketi zimepangwa kwa viwango mbalimbali ili kutoa nafasi kwa kila shabiki kushuhudia mchezo huu:
Mzunguko: Tsh 3,000
VIP C: Tsh 10,000
VIP B: Tsh 20,000
VIP A: Tsh 30,000
Mpangilio huu unalenga kuwapa mashabiki wote nafasi ya kushiriki, kuanzia wale wa kawaida hadi wale wanaotaka kuketi maeneo ya kifahari zaidi ya VIP.
Tarehe na Muda wa Mchezo
Tarehe: Jumamosi, 27 Septemba 2025
Muda: Saa 11:00 jioni (Majira ya Afrika Mashariki)
Uwanja: Benjamin Mkapa, Dar es Salaam
