KLABU ya Yanga imejikuta ikikumbwa na pigo kubwa baada ya mshambuliaji wake, Clement Mzize, kupata majeraha yaliyolazimisha kubadilika kwa mipango ya benchi la ufundi kuelekea michezo ijayo ya mashindano ya ndani na kimataifa.
Taarifa zinaeleza kuwa Mzize alipata maumivu wakati wa mazoezi ya timu, hali iliyomfanya kukosa baadhi ya mechi muhimu vya maandalizi, jambo lililoibua wasiwasi mkubwa miongoni mwa viongozi na benchi la ufundi la mabingwa hao wa Ligi Kuu Tanzania Bara.
Kocha wa Yanga, Pedro Gocalves amelazimika kufanya marekebisho ya haraka katika mfumo wa ushambuliaji, huku akijaribu kuwaandaa wachezaji wengine kuziba pengo la mshambuliaji huyo, ambaye amekuwa tegemeo muhimu la timu msimu huu kutokana na uwezo wake wa kufumania nyavu.
Kwa upande wa viongozi wa klabu, hali ya Mzize imewafanya “kukuna vichwa” wakitafakari namna ya kukabiliana na changamoto hiyo, hasa ikizingatiwa ratiba ngumu ya michezo inayowakabili Yanga katika siku za karibuni.
Chanzo cha ndani ya klabu kimeeleza kuwa bado tathmini ya kitabibu inaendelea ili kubaini ukubwa wa majeraha ya Mzize na muda anaoweza kukaa nje ya uwanja, huku matumaini yakibaki kuwa hatakuwa nje kwa muda mrefu.
Hata hivyo, Yanga imeweka wazi kuwa itaendelea kupambana kwa nguvu zote, ikiamini kikosi chake kina kina cha kutosha kukabiliana na changamoto hiyo, huku mashabiki wakisubiri kwa hamu kurejea kwa Mzize ili kuendelea kuisaidia timu yao kupigania mafanikio.
The post MZIZE AWAVURUGA VIBAYA VIONGOZI WA YANGA appeared first on Soka La Bongo.
