*MSD yashiriki mkutano wa UVIDA 2025 BOHARI ya Dawa (MSD) katika kuunga juhudi mbalimbali za Serikali na wadau wa Sekta ya Afya nchini, inashiriki kongamano la Saba Afrika la wiki ya kukabiliana na Usugu wa Vimelea vya magonjwa dhidi ya Dawa (UVIDA) linalofanyika Jijini Dar es salaam Desemba 2-5, 2025. Akizungumza katika kongamano hilo, Meneja Read More

Na Pamela Mollel,Arusha Jiji la Arusha limezindua rasmi Mkutano wa Kwanza wa Baraza la Madiwani wa Halmashauri ya Jiji, hatua muhimu inayofungua ukurasa mpya wa uongozi na utawala katika jiji hilo. Uzinduzi huo umefanyika leo katika ukumbi wa Mkuu wa Mkoa wa Arusha, ukihusisha shughuli zote za kikatiba ikiwemo uapisho wa madiwani, uchaguzi wa viongozi na uteuzi mbalimbali.Katika uchaguzi uliofanyika, Maxmilian Matle Iranqhe amechaguliwa kuwa Meya wa Jiji la Arusha kwa ushindi wa kishindo baada ya kupata kura 33 kati ya kura 34, huku kura moja ikiwa ya hapana. Naye Julius W. Sekeyan (CCM) ameibuka kidedea katika nafasi ya Naibu Meya, akivuna kura 31 dhidi ya mpinzani wake Stanley Nathan (NLD) aliyepata kura 3. Matokeo hayo yametangazwa na Mwenyekiti wa muda wa uchaguzi, Katibu Tawala wa Wilaya ya Arusha, Dk. Jacob Rombo, ambaye alithibitisha kuwa jumla ya madiwani 34 walipiga kura.Mara baada ya zoezi la uchaguzi kukamilika, madiwani wote 34—wakiwemo 25 wa kuchaguliwa na 9 wa viti maalum—waliapishwa kama sharti la kisheria linalowaruhusu kuanza kutekeleza majukumu yao rasmi. Uapisho huo umeweka msingi thabiti wa kuanza kwa awamu mpya ya utawala ndani ya jiji.Akizungumza wakati wa uzinduzi huo, Mkuu wa Wilaya ya Arusha, Mhe. Joseph Modest Mkude, amewataka madiwani kufanya kazi kwa kuzingatia sheria, kanuni na taratibu za halmashauri pamoja na kutekeleza kiapo chao kwa vitendo. Amehimiza ushirikiano baina ya madiwani na watendaji, akiwataka kuondokana na chuki, ubinafsi na kuweka mbele maslahi ya wananchi.Mkude amesisitiza kuwa uongozi bora wa jiji lenye kasi kubwa ya ukuaji kama Arusha unahitaji umoja, uwajibikaji na utulivu. Amebainisha kuwa misingi hiyo ndiyo itakayowezesha utoaji wa huduma bora kwa wananchi pamoja na utekelezaji wa miradi ya maendeleo kwa ufanisi na kwa wakati.Kwa mujibu wa ratiba, Baraza jipya la Jiji la Arusha linatarajiwa kuanza vikao vyake rasmi muda mfupi ujao. Vikao hivyo vitatoa nafasi ya kuanza kupanga ajenda za awali za maendeleo, kupitia mikakati ya usimamizi wa huduma za jamii, pamoja na kuweka mwelekeo wa utekelezaji wa miradi mipya na inayoendelea.Uzinduzi huu unaiweka Arusha kwenye njia ya awamu mpya ya uongozi unaotazamiwa kuleta mabadiliko chanya, uwazi na kasi katika utendaji wa halmashauri, huku wananchi wakitarajia kuona maboresho zaidi kwenye huduma, miundombinu na usimamizi wa rasilimali za jiji. Read More

Nafasi ya Kazi: Customer Care Tunakaribisha maombi kutoka kwa waombaji wenye sifa stahiki kwa ajili ya nafasi ya Customer Care. Mteule atakuwa na jukumu la kuhudumia wateja katika maduka yetu yaliyopo kwenye Malls mbalimbali, kuhakikisha huduma bora na kuongeza uzoefu mzuri wa mteja. Majukumu ya Kazi Kuwahudumia wateja kwa weledi na ustaarabu Kujibu maswali na The post Nafasi Mpya ya Ajira: Customer Care Wanaohitajika Mara Moja appeared first on Global Publishers. Read More

Salima, Malawi — Tanzania, kupitia Wakala wa Huduma za Misitu (TFS), imeungana na nchi nyingine za Afrika katika warsha ya kimataifa iliyojadili mbinu mpya za kupima na kufuatilia kiwango cha hewa ukaa kinachofyonzwa na miti inayoota nje ya misitu, maarufu kama Trees Outside Forests (TOF).Warsha hiyo ya siku mbili, Desemba 2 hadi 3, 2025 imefanyika katika Hoteli ya Sigelege, Salima nchini Malawi chini ya uratibu wa Michigan State University (MSU), kwa kushirikiana na vyuo na taasisi za utafiti kutoka Malawi, Senegal na Marekani.Tanzania inawakilishwa na wahifadhi wawili kutoka TFS, Rogers Nyinondi na Jameseth Lazaro, walioalikwa kutokana na nafasi ya TFS kuratibu utekelezaji wa mpango wa kitaifa wa kurejesha uoto wa asili kupitia African Forest Landscape Restoration Initiative (AFR100). Kupitia mpango huo, Tanzania imeahidi kurejesha takribani hekta milioni 5.2 za maeneo yaliyoharibika ifikapo 2030.Kwa mujibu wa Mkufunzi Mkuu kutoka Michigan State University (MSU), Prof. David L. Skole, warsha hiyo imetoa hatua kubwa ya kiufundi katika ufuatiliaji wa hewa ukaa kwa kutumia teknolojia za high-resolution satellite remote sensing, deep machine learning na allometric scaling models, mbinu zinazowezesha kutambua na kupima miti mmoja mmoja katika maelfu ya hekta. Skole alisema mafunzo hayo, ambayo yamemalizika leo, yamelenga kusaidia nchi wanachama kuimarisha mifumo ya uthibitishaji wa taarifa za urejeshaji mazingira na kuweka msingi thabiti wa usimamizi wa ardhi barani Afrika.Kwa upande wa Tanzania, Mhifadhi Mwandamizi wa TFS, Rogers Nyinondi, alisema ushiriki wa Tanzania umeongeza uelewa wa kitaalamu kuhusu mchango wa miti nje ya misitu, ikiwemo kilimo mseto katika kupunguza athari za mabadiliko ya tabianchi. Huku akibainisha kuwa mbinu mpya walizopatiwa zitaboresha ukusanyaji wa takwimu za kaboni, kuimarisha upangaji wa sera na kuongeza ufanisi wa utekelezaji wa miradi ya urejeshaji ardhi katika maeneo mbalimbali nchini.Warsha hiyo imewaleta pamoja wanasayansi na wataalamu kutoka Rwanda, Kenya, Tanzania, DRC, Senegal, India na Malawi, pamoja na wadau wa AFR100, kujadili maendeleo ya mradi wa kimataifa unaofadhiliwa na MSU. Read More

Kuanzia SUV hadi minivan, magari ya kutoka nje yaliyotumika yameendelea kuwa chaguo la Watazania wengi mwaka 2025. Orodha hii inatoa picha kamili ya magari 10 yaliyonunuliwa zaidi, sifa zao, na sababu za umaarufu wao sokoni. 1. Nissan Dualis Aina: Crossover kompakt Sifa: Gari rahisi kuendesha miji na barabara changamano, matumizi ya mafuta kidogo, thamani nzuri The post Top 10 ya Magari Yaliyonunuliwa Zaidi Tanzania Mwaka 2025 appeared first on Global Publishers. Read More

Mgombea Urais wa Uganda, kupitia Chama pinzani cha National Unity Platform (NUP), Robert Kyagulanyi Ssentamu, maarufu kama Bobi Wine, amesema maisha yake yako hatarini, hatua iliyomlazimu kuvaa koti la kuzuia risasi wakati wa kampeni zake. ‎ ‎Katika Kampeni zake za hivi karibuni, Bobi Wine na timu yake wamejikuta wakikabiliana na vikosi vya usalama, ambapo kumekuwa The post Bobi Wine Asema Maisha Yake Yako Hatarini, Avaa Koti la Kuzuia Risasi Katika Kampeni appeared first on Global Publishers. Read More

Waziri wa Sayansi, Teknolojia na Ubunifu wa Afrika Kusini, Profesa Blade Nzimande, amesema Bara la Afrika linahitaji kwa kiwango kikubwa waandishi wa habari waliobobea katika masuala ya sayansi ili kusaidia kukuza ubunifu, tafiti na maendeleo kwa ujumla. Read More

Rais wa Jamhuri ya Muungano wa Tanzania Mhe. Dkt. Samia Suluhu Hassan akutana na kuzungumza na Naibu Mwenyekiti wa Biashara wa Jumuiya ya Madola na Baraza la Uwekezaji (CWEIC) Lord Hugo Swire Ikulu jijini Dar es SalaamRais wa Jamhuri ya Muungano wa Tanzania Mhe. Dkt. Samia Suluhu Hassan amekutana na kuzungumza na Naibu Mwenyekiti wa Biashara wa Jumuiya ya Madola na Baraza la Uwekezaji (CWEIC) Lord Hugo Swire, Ikulu Jijini Dar es Salaam tarehe 02 Desemba, 2025. Rais Dkt. Samia pamoja na Naibu Mwenyekiti wa CWEIC Lord Hugo Swire ambaye pia alikuwa Waziri wa zamani Mambo ya Nje wa ofisi ya Jumuiya ya Madola katika Serikali ya Uingereza walijadiliana masuala ya kuimarisha uhusiano wa kibiashara na Uwekezaji ambao utachochea ukuaji wa uchumi na kutengeneza ajira. Aidha, Lord Swire ameomba Tanzania kuwa mshirika wa kimkakati ili kuchochea wawekezaji wengi kutoka washirika wa Jumuiya hiyo ya Madola.Rais wa Jamhuri ya Muungano wa Tanzania Mhe. Dkt. Samia Suluhu Hassan akiwa kwenye picha ya pamoja na Naibu Mwenyekiti wa Biashara wa Jumuiya ya Madola na Baraza la Uwekezaji (CWEIC) Lord Hugo Swire mara baada ya mazungumzo, Ikulu Jijini Dar es Salaam tarehe 02 Desemba, 2025. Read More

Na Mwandishi Wetu, BanjulBANJUL, Gambia — Afrika imeanza sura mpya ya mageuzi katika sekta ya misitu na wanyamapori baada ya Mwenyekiti wa Tume ya Misitu na Wanyamapori Afrika (AFWC25), Prof. Dos Santos Silayo, kukabidhi rasmi uenyekiti kwa Mr. Ebrima Jawara wa Serikali ya Gambia, hatua iliyoweka mwelekeo mpya wa bara katika kukabiliana na changamoto za karne ya sasa.Akizungumza katika kikao cha 25 cha AFWC, kilichofanyika Banjul, Prof. Silayo alionya kwamba bara la Afrika liko kwenye shinikizo kubwa linalotokana na kasi ya mabadiliko ya tabianchi, ongezeko la migongano ya binadamu na wanyamapori, pamoja na mahitaji mapya ya kijamii na kiuchumi yanayoathiri rasilimali asilia. Alisisitiza kwamba Afrika haiwezi tena kutegemea mbinu za kale katika usimamizi wa misitu na wanyamapori.“Mabadiliko ya tabianchi yamebadilisha mazingira, tabia za watu zimebadilika, na mienendo ya wanyama imebadilika pia. Hatuwezi kuendelea kwa mazoea; tunahitaji ubunifu jumuishi unaotumia sayansi na unaowajibika,” alisema.Alibainisha kuwa sekta inaweza kuimarika tu ikiwa mataifa yatawekeza katika modeli sahihi za kaboni, teknolojia za kisasa za ufuatiliaji wa misitu, tafiti za mwingiliano wa maji na misitu, mbinu za kisasa za kupunguza uharibifu wa misitu, pamoja na kuimarisha taasisi za jamii ambazo ndizo msingi wa shughuli za uhifadhi.Katika uchaguzi uliofanyika kwenye kikao hicho, Mr. Ebrima Jawara, Katibu Mkuu wa Wizara ya Mazingira ya Gambia, alichaguliwa kuwa Mwenyekiti mpya wa AFWC25. Akipokea wadhifa huo, Jawara alitoa hotuba ya shukrani, akiahidi kuendeleza mageuzi yaliyowekwa na mtangulizi wake na kusisitiza kwamba mustakabali wa uhifadhi wa Afrika unahitaji dira ya pamoja, uongozi unaotegemea ushahidi wa kisayansi, na ushirikiano wa kikanda.Aidha, viongozi kutoka Rwanda, Chad na Botswana waliteuliwa kuwa Makamu Mwenyekiti wa Tume, uteuzi uliopongezwa na wajumbe kama ishara ya uwakilishi mpana na mshikamano wa kikanda. Wajumbe pia walimhakikishia Jawara ushirikiano wa karibu, wakisema, “Tupo nyuma yako. Tuendelee kulinda rasilimali zetu na kuimarisha sera zetu.”“Tunategemea ushirikiano wa viongozi wa nchi na wadau wote. Mwenyekiti Jawara na timu yake wana jukumu la kuimarisha usimamizi wa misitu na uhifadhi wa wanyamapori barani Afrika kwa njia endelevu na ya kisayansi,” alisema Katibu wa AFWC, Edward Kilawe, akisisitiza umuhimu wa uongozi mpya katika kuendeleza ajenda za kikanda.Katika hatua nyingine, wajumbe kutoka nchi mbalimbali walimpongeza Prof. Silayo kwa uongozi wake katika kipindi kilichokabiliwa na changamoto za tabianchi, ongezeko la shinikizo la ardhi na mahitaji mapya ya kiuchumi.AFWC25 ni kikao cha kikanda cha wakuu wa sekta ya misitu na wanyamapori barani Afrika, kilichokutana kwa mwaka wa 25 mfululizo kujadili changamoto, kushirikiana mbinu za kisayansi, na kuboresha sera za uhifadhi. Kikao cha mwaka huu, kilichoanza Desemba 1 hadi 5, 2025, kilihusisha wajumbe kutoka nchi zote za Afrika, wakijadili mwelekeo wa usimamizi wa misitu, migongano kati ya binadamu na wanyamapori, na mbinu za kuendeleza mageuzi endelevu ya sekta hiyo. Read More