Ikulu ya White House imesema Rais wa Marekani Joe Biden “ana wasiwasi mkubwa” kuhusu uvujaji unaoonekana wa nyaraka za serikali ya Marekani zinazoelezea tathmini za kijasusi kuhusu maandalizi ya Israel kushambulia Iran.
Washington haina uhakika jinsi nyaraka zilizochapishwa kwenye mtandao wa kijamii wa Telegram wiki iliyopita ziliwekwa wazi, msemaji wa White House John Kirby aliwaambia waandishi wa habari Jumatatu.
Haijulikani ikiwa faili zilivuja au zilidukuliwa.
“Rais bado ana wasiwasi mkubwa kuhusu uvujaji wowote wa habari zilizoainishwa kwenye uwanja wa umma. Hilo halipaswi kutokea na halikubaliki linapotokea,” Kirby alisema.
Nyaraka zilizoainishwa ni pamoja na uchanganuzi wa picha za satelaiti za shughuli za kijeshi za Israeli.
Faili hizo zilisema kuwa jeshi la Israel “lilishughulikia” makombora ya balestiki ya kurushwa hewani – ambayo hurushwa kutoka kwa ndege – na kufanya shughuli za siri za ndege zisizo na rubani mapema mwezi huu “kwa hakika” kwa shambulio dhidi ya Iran.
Vyombo kadhaa vya habari vya Marekani viliwataja maafisa wa Marekani wasiojulikana wakisema nyaraka hizo za siri zinaonekana kuwa za kweli.
The post Biden ana wasiwasi mkubwa kuhusu kutolewa kwa nyaraka za siri juu ya mipango ya mashambulizi ya Israeli first appeared on Millard Ayo.
