Mgeni rasmi katika mafahali ya 55 ya Shule ya Sekondari ya wasichana ya Kilakala , Georgia Mutagahywa akizungumza na wahitimu wa kidato cha sita wa shule hiyo mwishoni mwa wiki .
Mgeni rasmi katika mahafali ya 55 ya shule ya sekondari ya wasichana ya Kilakala , Bi Georgia Mutagahywa akizungumza kwenye mahafali ya shule hiyo mjii Morogoro hivi karibuni
Mmoja wa wahitimu wa kidato cha sita ya shule ya sekondari ya wasichana wa kilakala akipokea cheti baada ya kuhitimu masomo kutoka kwa mgeni rasmi , Georgia Mutagahywa 
Baadhi ya wahitimu wa shule ya sekondari ya wasichana wa kilakala wakiwa kwenye mahafali ya shule hiyo , mwishoni mwa wiki
Mmoja wa wageni waalikwa wakizungumza kwenye mahafali ya 55 ya Shule ya Sekondari ya Kilakala mwishoni mwa wiki mjini Morogoro
Baadhi ya wahitimu wa shule ya wasichana ya kilakala katika mahafali ya 55 ya shule hiyo iliyofanyika mwishoi mwa wiki mjini Morogoro 
Katibu Mkuu wa Wizara ya Maliasili na Atalii Dkt. Hassan Abbas, akizungumza kwenye mahafali ya 55 ya shule ya wasichana ya sekondari ya kilakala 
Na Mwandishi Wetu,
Furaha ya mafanikio na hamasa ilitawala katika viunga vya shule ya sekondari ya wasichana ya Kilakala wakati wa mahafali ya 55 ya kidato cha sita ikiwa ni safari ndefu yenye mafanikio ya kukabiliana na changamoto na yenye matumaini. Wahitimu wa mwaka huu wa 2025 walifanyiwa mahafali ambapo mgeni rasmi alikuwa ni Mtetezi wa Haki za Wanawake na Wasichana, Georgia Mutagahywa.
Hii haikuwa mara ya kwanza kwa wanafunzi wa Kilakala kuomba uwepo wake. Akiwa ameguswa sana na mwaliko wao mwaka jana, Mutagahywa alirudi kama alivyoahidi, akisimama kifahari mbele ya wahitimu—sio tu kama mgeni wa heshima, bali kama mfano wa kuigwa ambapo alitoa hotuba yenye miongozo mbalimbali katika safari yao ndefu ya elimu na jinsi ya kufanikiwa katika ndoto zao.
“Mlinialika mwaka jana, Na niliahidi nitakuja. Leo, niko hapa—sio kwa sababu tu nilisema ningekuja, lakini kwa sababu ninawaamini,” aliwaambia wahitimu wa mwaka 2025.
Kwa hisia kali kutoka moyoni,Mutagahywa alitangaza kutoa msaada wa kompyuta mpya 15 kuimarisha chumba cha kufundishia masomo ya TEHAMA katika shule hiyo zilizotolewa kwa hisani ya kampuni ya ujenzi ya Fuchs, msaada ambao ulipokelewa kwa makofi ya kishindo, machozi ya furaha, na shukrani nyingi.
“Wakati Bi Georgia anatangaza msaada wa kompyuta, nililia. Ilionekana kana kwamba kuna mtu ametusikia,” alisema Kate Malindi, mwanafunzi wa kidato cha tano anayesoma mchepuo wa masomo la Fizikia, Hisabati na Sayansi ya Kompyuta (PMC) ambaye pia ni kiranja Mkuu wa shule. Kompyuta hizo mpya sio tu zitapanua ujuzi wao kidijitali bali pia zitawaandaa wanafunzi kwa ufanisi zaidi katika elimu ya Chuo Kikuu na katika kazi za kisasa zinazohitaji maarifa ya kidigitali.
“Mchango huu ni zaidi ya mashine,” Mutagahywa alisema. “Ni mlango kwa mlango utakaowasaidia kufunguka kupitia ujasiri wenu wa kuuliza, mtaweza kujifunza mengi na kuingia katika ulimwengu wa kidigitali, ni jukumu letu kuwa na bidii ya kujifunza.”
Kwa kutambua kujitolea kwake bila kuyumba katika elimu na uwezeshaji wa wasichana, shule hiyo ilimtunukia Georgia Mutagahywa tuzo maalum kama ishara ya shukrani kwa utetezi wake usiochoka na kwa kuhamasisha wasichana kupambana ili wasibaki nyuma katika nyanja mbalimbali za maisha.
Katika kuhamasisha kutokata tamaa kwa wahitimu aliwapa mfano wake binafsi alivyokuwa amedhamiria kupanda mlima Kilimanjaro-alishindwa mara ya kwanza kutokana na kuumia, lakini aliamua kurudia zoezi hilo mwaka 2024 na kuishia kituo cha Stella point, mwishowe mwezi Desemba mwaka huo alirudia tena zoezi hili na kufanikisha dhamira yake akiwa ameambatana na mtoto wake wa kiume mwenye umri wa miaka 18.
“Utakutana na milima mingi maishani—ya kihisia, ya kiroho, ya kifedha na hata ya kufikirika—lakini usiogope. Na usijaribu kuipanda peke yako. Tafuta marafiki. Tafuta washauri wa kukusaidia njiani. Unapoanguka, inuka. Panda tena.”
Aliwakumbusha wahitimu kwamba mafanikio sio juu ya ukamilifu – ni juu ya uvumilivu. Kwamba wakati mwingine jambo muhimu zaidi ni “kuendelea kujitokeza.” “Hamkufika hapa tu kwa bahati mbaya. mmefanya kazi . Hilo ndilo la muhimu.”
Katika sherehe hiyo pia waliotoa mchango mkubwa kufanikisha mafanikio ya Kilakala walitambuliwa, Mkuu wa Shule Bi.Mary Lugina, alipata tuzo maalum ya kutambua uongozi wake wenye maono, ambapo alipata pongezi nyingi kutoka kwa walimu na walimu na mgeni rasmi.
“Wacha tuwapongeze walimu ambao walifundisha, kuwaongoza, na kuwalea Wasichana kujiamini, kuwa na ndoto za maisha, na kuinuka,” alisema, wakati umati uliinuka kwa pamoja kuwapongeza”.
Ikiwa imeanzishwa mwaka 1957, Shule ya Sekondari ya Wasichana ya Kilakala kwa muda mrefu imekuwa kinara wa ubora wa kitaaluma na maendeleo ya uongozi nchini Tanzania. Taasisi hiyo imetoa vizazi vya wanawake wanaotamba katika siasa, elimu, sayansi, na sanaa-wanawake ambao wanaendelea kufanya mambo makubwa kitaifa na kimataifa.
“Wahitimu wa kidato cha sita 2025, nanyi mnaingia katika kundi hili linaloendelea kufanya mambo makubwa,je nanyi mtafanikiwa kufanya mambo makubwa katika jamii”aliwauliza Mutagahywa.
“Hadithi yake ya Kilimanjaro ilinikumbusha kutokata tamaa—haijalishi maisha yanakuwa magumu kiasi gani,” alisema Immaculate mmoja wa wahitimu wa Kidato cha Sita.
Wakati wahitimu linajiandaa kuendelea na Chuo Kikuu na kwingineko, ujumbe ulikuwa mkubwa na wazi: uthabiti, mahusiano, na uwajibikaji utawapeleka mbali zaidi kuliko mtihani wowote .
“Hadithi yake ya Kilimanjaro ilinikumbusha kutokata tamaa—haijalishi maisha yanakuwa magumu kiasi gani,” alishiriki Immaculate mmoja wa wahitimu wa Kidato cha Sita.
Wakati darasa linajiandaa kuendelea na chuo kikuu na kwingineko, ujumbe ulikuwa mkubwa na wazi: uthabiti, mahusiano, na uwajibikaji utawapeleka mbali zaidi ya mtihani wowote.
“Elimu yako ni kusawazisha kwako,” Mutagahywa alisema. “Na kama Maya Angelou alivyowahi kuandika: ‘Wanaona utukufu wangu, lakini hawajui hadithi yangu.’ Usiruhusu ulimwengu ukufafanue – ujifafanue.”
Alifunga hotuba yake kwa nukuu ya Chimamanda Ngozi isemayo : “Kuwa mtu mzuri, – mwema tu. Wema una nguvu. unaweka mipaka. unasema ukweli. Na muhimu zaidi, unaangazia njia.”
