Waziri wa Katiba na Sheria, Damas Ndumbaro akiwasha mshmaa leo Aprili 07, 2025 jijini Dar es Salaam katika kumbukizi ya miaka 31 ya mauaji ya kimbari yaliyotokea nchini Rwanda Mwaka 1994.
Balozi wa Tanzania nchini Rwanda, Kamishna Mkuu Gen. Patrick Nyamvumba akizungumza leo Aprili 07, 2025 jijini Dar es Salaam katika kumbukizi ya miaka 31 ya mauaji ya kimbari yaliyotokea nchini Rwanda Mwaka 1994.
Waziri wa Katiba na Sheria, Damas Ndumbaro akizungumza leo Aprili 07, 2025 jijini Dar es Salaam katika kumbukizi ya miaka 31 ya mauaji ya kimbari yaliyotokea nchini Rwanda Mwaka 1994.
Na Mwandishi wetu Michuzi Tv
WAZIRI wa Katiba na Sheria, Damas Ndumbaro amesema mauaji ya Kimbari yaliyotokea 1994 nchini Rwanda ni kosa kisheria za kimataifa, lakini pia ni uharifu dhidi ya binadamu na ni mauaji ambayo yalijaa chuki na ubaguzi na ulipaji kisasi usio sababu za msingi.
Ameyasema hayo leo Aprili 07, 2025 wakati wa kumbukizi ya miaka 31 ya mauaji ya kimbari dhidi ya Watutsi. Kumbukizi hiyo imefanyika katika Uwanja wa Mlimani City jijini Dar es Salaam pia Arusha katika Ukumbi wa Kimataifa wa Julius Nyerere Arusha (ICC) kwaajili ya kuwakumbuka waliofariki dunia katika mapigano hayo.
Amesema kuwa wakati wa kumbukizi ya miaka 31 ya mauaji ya kimbari ni vizuri kujikumbusha kwamba nini kilitokea? Nini kilisababisha na tunajifunza kwa siku zijazo.
Kwa Upande wa Balozi wa Tanzania nchini Rwanda, Kamishna Mkuu Gen. Patrick Nyamvumba amesema kuwa Rwanda imeadhimisha kumbukumbu ya miaka 31 tangu kutokea kwa mauaji ya kimbari ya mwaka 1994 dhidi ya Watutsi kwa tukio maalum na kuzungumza na wageni mbalimbali, wakiwemo mabalozi, viongozi wa dini, na wanachama wa Jumuiya ya Wa Rwanda nchini Tanzania,ametoa hotuba yenye hisia kali na mafundisho ya kihistoria, akiangazia mzizi wa mauaji hayo na hatua zilizochukuliwa kuijenga upya Rwanda.
Gen. Nyamvumba amesisitiza kuwa mauaji ya kimbari dhidi ya Watutsi hayakuwa matokeo ya ghafla, bali ni matokeo ya mchakato wa kimfumo ulioanza enzi za ukoloni, ambapo mkoloni alianzisha mgawanyiko wa kikabila uliosababisha chuki na migawanyiko iliyopelekea mauaji hayo.
Pia ametoa heshima kwa waathirika wa mauaji hayo, na kuwashukuru wale wote walioungana na Rwanda katika kuadhimisha siku hiyo, akitaja kwa namna ya kipekee mchango wa Umoja wa Mataifa, watoto walioonyesha vipaji vyao, na wanadiaspora wa Rwanda nchini Tanzania.
Kaulimbiu ya mwaka huu, “Kumbuka – Unganisha – jenga upya”, inaangazia umuhimu wa kuhifadhi historia, kuimarisha mshikamano na kuendeleza maridhiano.
Gen. Nyamvumba pia aamekemea vikali wale wanaopotosha au kukataa ukweli wa kihistoria wa mauaji hayo, akitoa wito kwa jamii ya kimataifa kupinga vikali juhudi zozote za kupotosha historia hiyo.
Maadhimisho hayo ya kumbukizi ya mauaji ya kimbari yanatarajiwa kuendelea kwa siku 100, yakijumuisha mijadala, ibada na shughuli mbalimbali za kuenzi kumbukumbu ya wahanga na kusisitiza dhamira ya “Kamwe Tena” kwa dunia nzima.
Kwa upande wa Mkurugenzi wa Nchi wa UNAIDS kwa muda na Mkurugenzi Mkazi wa Umoja wa Mataifa kwa muda, Martin Ordit amesema kuwa katika Siku ya Kimataifa ya Tafakari juu ya mauaji ya kimbari ya 1994 dhidi ya Watutsi nchini Rwanda, ulimwengu ulishuhudia asili ya moyo ya ubinadamu kuwa ya kutisha pamoja na kampeni ya Uoga ya Wahutu dhidi ya watu wa Tutsi ilirarua taifa na kuacha jeraha ambalo linaendelea kuuma kwa wakati wote.
Amesema wanakusanyika kuomboleza maisha yasiyokuwa na hatia ya kufariki, familia zilivunjika, na jamii zenye nguvu zilichomwa chini. “Tunalia kwa watoto walioibiwa hatma zao, mama na baba zao walinyamazishwa kikatili.”
Amesema wakati wanakumbuka za maumivu, upotezaji, na mateso yasiyowezekana, tunaheshimu pia roho isiyo na nguvu ya walionusurika katika uso wa uovu usioeleweka, wameonyesha maana ya kweli ya ujasiri. Mapambano yao ya kuponya, kujenga tena, na kupata tumaini katika majivu ya kukata tamaa ni ushuhuda wa nguvu ya kudumu ya roho ya mwanadamu pia wanapiga magoti kwa heshima ya ujasiri wao.
Hatupaswi pia kusahau vitendo vya ajabu vya watu wa kawaida. Wa Rwanda wengi wa kawaida na wasio Rwanda, kwa hatari kubwa kwao, walijificha na kulinda majirani zao wa Tutsi, Wahutu wa wastani na hata wageni kabisa. Vitendo hivi vinatupa tumaini kwamba ubinadamu upo hata wakati wa ukatili ulioenea na hutoa mbegu za uponyaji na maridhiano ya baadaye.
Wakati huo huo ametoa shukrani kwa wataalamu wa vyombo vya habari, viongozi wa dini, na wale wote ambao wanaendelea kuongeza ufahamu wa maswala ya mauaji ya kimbarikwa kueneza ukweli juu ya mauaji ya kimbari, kuelimisha, na kukuza uelewa ni alama katika mapambano dhidi ya ujinga na uvumilivu.
“Huko Rwanda, siku 100 za maombolezo zinaanza. Wakati wa huzuni mpya, lakini pia wakati wa kutafakari na kujitolea. Hapa nchini Tanzania, tuliungana na Tume Kuu ya Rwanda na Kituo cha Habari cha Umoja wa Mataifa. Kwa pamoja, tulishiriki masomo ya janga hili na shule zetu, tukipanda mbegu za huruma, uvumilivu, na umoja katika mioyo ya vijana wetu. Lazima tuhakikishe kuwa kizazi kijacho kinaelewa athari mbaya za chuki na inakuwa walezi wa siku zijazo.” Ameeleza Ordit
Amesema ni lazima tujifunze kutoka kwa historia mbaya ya mauaji ya kimbari nchini Rwanda, na kuchukua hatua ya kumaliza wimbi la hotuba ya chuki, kuacha umoja na kutoridhika kubadilika kuwa vurugu, kushikilia haki za binadamu, na kuhakikisha uwajibikaji.
.jpeg)
.jpeg)
Matukio mbalimbali katika kumbukizi ya miaka 31 tangu Mauaji ya kimbari yaliyotokea nchini Rwanda.
.jpeg)
Picha ya pamoja.
