Florent Ibenge Kocha Mkuu wa Azam FC amesema kuwa wachezaji walijitoa kwa asilimia kubwa licha ya kukosa matokeo kwenye mchezo wa CAF Confideration Cup.
Baada ya dakika 90 ubao wa Uwanja wa New Amaan Complex ulisoma Azam FC 0-1 Wydad Casablanca ikiwa ni mchezo wa hatua ya makundi.
Bao la ushindi lilifungwa na Nordin Amrabat dakika ya 57 kipindi cha pili lilidumu mpaka mwisho wa mchezo ikiwa ni mechi ya pili Azam FC kupoteza baada ya kuanza ugenini kufungwa 2-0 dhidi ya AS Maniema.
Ibenge amesema wachezaji walifanya kazi kubwa ndani ya uwanja wanastahili pole licha ya kukwama kupata ushindi.
“Ninaweza kusema pole kwa wachezaji kwa kuwa walikuwa katika mchezo mzuri, walikimbia sana na mwisho tumekosa matokeo hivyo makosa tutafanyia kazi kwa mechi zijazo,”.
Katika Caf Confideration Cup 2025/26 Azam FC wakiwa kubdi B msimamo upo hivi:-
1. Wydad Casablanca pointi 6 mechi mbili ushindi zote
2. Maniema Union pointi 3 mechi moja
3. Azam FC pointi 0 mechi 2 poteza zote
4. Nairobi United mechi 1 pointi 0 poteza
Ni timu mbili ambazo zitamaliza nafasi za juu zitasonga mbele hatua ya robo fainali. Ikitokea timu zikawa sawa katika pointi hapo mshindi atatazamwa kupitia h2h dhidi ya timu wanayolingana pointi. Tofauti ya magoli ya kufunga na kufungwa.
Kwenye mchezo wa jana kiungo Aziz Ki mara baada ya mchezo kukamilika alipatwa na tatizo ma kuwahishwa hospitali kwa matibabu zaidi.
