04/08/2025

17 Views

TEA YAANZA UTEKELEZAJI MIRADI YA AMALI ZANZIBAR

Unguja Mamlaka ya Elimu Tanzania (TEA) imeanza rasmi utekelezaji wa miradi ya amali kwa upande wa Zanzibar, ambapo shilingi bilioni 3.2 zimetengwa kwa ajili ya ujenzi wa shule mbili za mafunzo ya amali. Huu ni muendelezo wa jitihada za Serikali za kuboresha sekta ya elimu, na ni sehemu ya mkakati wa kuunga mkono Dira ya... Read More

POLISI MOROGORO WAMKAMATA DEREVA TEKSI KWA TUHUMA ZA MAUAJI YA MWANAMKE MWAKA 2016

Rais wa Korea Kusini aliyeshtakiwa alala jela kwa mara ya kwanza

Unguja

Mamlaka ya Elimu Tanzania (TEA) imeanza rasmi utekelezaji wa miradi ya amali kwa upande wa Zanzibar, ambapo shilingi bilioni 3.2 zimetengwa kwa ajili ya ujenzi wa shule mbili za mafunzo ya amali.

Huu ni muendelezo wa jitihada za Serikali za kuboresha sekta ya elimu, na ni sehemu ya mkakati wa kuunga mkono Dira ya Maendeleo ya Taifa ya 2025 na Mpango wa Maendeleo wa Muda Mrefu wa Taifa 2011/12 hadi 2024/25.

Miradi hii inalenga kutoa elimu ya vitendo inayokidhi mahitaji ya soko la ajira na kukuza ujuzi wa vijana ili kuchangia kwa ufanisi katika maendeleo ya Taifa.

Katika kikao kazi kilichofanyika tarehe 8 Aprili 2025 kwenye ukumbi wa Wizara ya Elimu na Mafunzo ya Amali (WEMA) kisiwani Unguja, Mkurugenzi Mkuu wa TEA, Dkt. Erasmus Kipesha amesema kuwa, utekelezaji wa miradi hiyo ni sehemu ya mkakati wa mamlaka ya kuhakikisha mafanikio ya uboreshaji wa Sera ya Elimu na mtaala mpya unaolenga elimu jumuishi na ya vitendo.

Dkt. Kipesha ameeleza kuwa miradi hiyo itajumuisha ujenzi wa madarasa na karakana zitakazotumika kwa ajili ya mafunzo ya vitendo, ambapo wanafunzi watapata ujuzi wa kufanya shughuli mbalimbali za kiuchumi baada ya kuhitimu masomo yao.

Kwa upande wake Naibu Katibu Mkuu – Utawala Wizara ya Elimu na Mafunzo ya Amali Bw. Khalid Waziri, ameshukuru na kuipongeza TEA kwa utekelezaji wa miradi hiyo kwani asilimia kubwa ya shule zilizopo visiwani Zanzibar hazina miundombinu ya amali.

Aliendelea kusema kuwa miradi hiyo itakuwa na manufaa makubwa kwa jamii, kwani itawezesha vijana kupata ujuzi wa vitendo utakaowasaidia kujikwamua kiuchumi na kuchangia katika maendeleo ya Taifa.

Aidha, Bw. Waziri alifafanua kuwa Wizara ya Elimu imetenga maeneo kwa ajili ya ujenzi wa shule hizo, moja ikiwa Unguja na nyingine Pemba ili kuhakikisha kuwa watoto wa Zanzibar wanapata fursa sawa ya elimu.

Alisema kuwa utekelezaji wa miradi hiyo utasimamiwa kikamilifu na Wizara ili kuhakikisha kuwa unakamilika kwa wakati na ubora unaotakiwa na kwamba shule hizi zitakuwa na madarasa kwa ajili ya masomo ya nadharia na karakana kwa ajili ya mafunzo ya vitendo.

Kazi ya ujenzi wa shule hizo inatarajiwa kuanza mara moja, huku hatua za awali za usanifu wa michoro, upatikanaji wa vifaa vya ujenzi na maandalizi ya maeneo zikiendelea. Miradi hii itahusisha ujenzi wa shule mbili, ambapo kila shule itakuwa na wastani wa amali tatu zinazotolewa kwa wanafunzi.

Hii itawawezesha vijana kupata ujuzi katika nyanja mbalimbali za kiufundi na kimaisha, na hivyo kuwa na uwezo wa kufanya kazi na kujiingizia kipato baada ya kuhitimu masomo yao.

Ujenzi wa shule hizi unatarajiwa kuleta mabadiliko makubwa katika sekta ya elimu visiwani Zanzibar kwani itatoa fursa kwa vijana wengi kujiendeleza katika fani mbalimbali za amali.

Miradi hii ni sehemu ya juhudi za Serikali ya Muungano na Serikali ya Mapinduzi Zanzibar za kuhakikisha kuwa Watoto wote wanapata elimu bora na yenye tija inayozingatia mahitaji ya soko la ajira na kukuza uchumi wa Taifa.

Kupitia miradi hii, Zanzibar itakuwa na fursa ya kuwa na vijana wenye ujuzi wa vitendo watakaoweza kushiriki kikamilifu katika shughuli za uchumi, na hivyo kuchangia katika maendeleo ya Taifa kwa ujumla.

Naibu katibu Mkuu – Utawala, Wizara ya Elimu na Mafunzo ya Amali Bw, Khalid Waziri akizungumza katika kikao kazi kati ya TEA na wizara hiyo kuhusu ujenzi wa shule za amali visiwani Unguja na Pemba.

Mkurugenzi Mkuu Mamlaka ya Elimu Tanzania (TEA) Dkt. Erasmus Kipesha akifafanua jambo kwenye kikao kazi kati ya TEA na Wizara ya Elimu na Mafunzo ya Amali kuhusu utekelezaji miradi ya amali.

Mkurugenzi Mkuu Mamlaka ya Elimu Tanzania (TEA) Dkt. Erasmus Kipesha (kulia) akiwa na baadhi ya watendaji wa mamlaka hiyo katika kikao kazi cha kujadili utekelezaji wa miradi ya amali upande wa Zanzibar.

Mkurugenzi Elimu ya Sekondari Wizara ya Elimu na Mafunzo ya Amali Bi. Asya Issa akifafanua jambo wakati wa kikao kazi cha kujadili utekelezaji wa miradi ya amali kati ya TEA na Wizara hiyo.

Matukio

Habari

TEA YAANZA UTEKELEZAJI MIRADI YA AMALI ZANZIBAR

Leave a Reply Cancel Reply

Tags

Matukio Mapya

Michezo