 |
| Waziri wa Mawasiliano na Teknolojia ya Habari, Jerry Slaa (kulia mbele) akizungumza kuwakaribisha Wajumbe wa Kamati ya Kudumu ya Bunge ya Miundombinu, mara baada ya kuwasili katika Kituo cha Kutunza Data Kimtandao (Data Centre) katika ziara yao kutembelea kituo hicho. |
 |
| Mkurugenzi Mkuu wa Shirika la Mawasiliano Tanzania – TTCL, CPA Moremi Marwa (aliyesimama kulia) akizungumza kutoa taarifa fupi ya utendaji kwa Wajumbe wa Kamati ya Kudumu ya Bunge ya Miundombinu, mara baada ya kuwasili katika Kituo hicho cha Kutunza Data Kimtandao (Data Centre) katika ziara yao. |
 |
| Mkurugenzi Mkuu wa Shirika la Mawasiliano Tanzania – TTCL, CPA Moremi Marwa (kulia aliyesimama) akizungumza kutoa taarifa fupi ya utendaji kwa Wajumbe wa Kamati ya Kudumu ya Bunge ya Miundombinu, mara baada ya kuwasili katika Kituo hicho cha Kutunza Data Kimtandao (Data Centre) katika ziara yao. |
 |
| Mwenyekiti wa Kamati ya Kudumu ya Bunge ya Miundombinu, Mhe. Selemani Moshi Kakoso (Mb) akizungumza mara baada ya kamati yake kutembelea Kituo cha Kutunza Data Kimtandao (Data Centre) kilichopo jijini Dar es Salaam. |
 |
| Mwenyekiti wa Kamati ya Kudumu ya Bunge ya Miundombinu, Mhe. Selemani Moshi Kakoso (Mb) akizungumza mara baada ya kamati yake kutembelea Kituo cha Kutunza Data Kimtandao (Data Centre) kilichopo jijini Dar es Salaam. |
 |
| Picha ya pamoja na Kamati ya Kudumu ya Bunge ya Miundombinu, mara baada ya kamati kutembelea Kituo cha Kutunza Data Kimtandao (Data Centre) kilichopo jijini Dar es Salaam. |
KAMATI ya Kudumu ya Bunge ya Miundombinu, imefanya ziara katika Kituo cha Kutunza Data Kimtandao (Data Centre) kinachoendeshwa na Shirika la Mawasiliano Tanzania, (TTCL Corporation) na kuridhishwa na uwekezaji wa kisasa uliofanyika katika kituo hicho ambacho ni mhimili wa huduma za kidigitali nchini.
Akizungumza mara baada ya ziara kituoni hapo, Mwenyekiti wa Kamati ya Kudumu ya Bunge ya Miundombinu, Mhe. Selemani Moshi Kakoso (Mb) ameziomba Taasisi, Mashirika ya Umma na binafsi na Wizara mbalimbali kutumia Kituo cha Kutunza Data Kimtandao (Data Centre) ili kuunga mkono juhudi za Serikali katika kuboresha huduma za kidijitali nchini.
Pamoja na hayo, Mwenyekiti huyo wa Kamati ya Kudumu ya Bunge ya Miundombinu, ameishauri TTCL kufanya maboresho zaidi katika kitengo cha utafutaji masoko ili kuvutia ushawishi wa Mashirika ya Umma na hasa yale ya kibinafsi, Wizara mbalimbali na wateja wengine kujitokeza na kutumia Kituo hicho cha Data Centre.
Tumeona upo umuhimu mkubwa wa kuwepo kwa kituo hiki, lakini kunaitajika ushawishi wa masoko hasa wa sekta binafsi kujitokeza kwa wingi katika kutumia fursa hii ya huduma za Data Center. “…Mkurugenzi fanyeni jitihada za uwekezaji, ili muwe na kitengo kizuri cha masoko kiweze kujiuza hasa kwa sekta binafsi, muwe na ushawishi wa kutumia kitengo hiki cha masoko kwa ajili kuvuta wateja,” alisema Mhe. Kakoso (Mb) akizungumza na wanahabari.
Kwa upande wake, Mkurugenzi Mkuu wa Shirika la Mawasiliano Tanzania – TTCL, CPA Moremi Marwa alisema kituo hicho kina umuhimu mkubwa kwa wateja wanaokitumia kwa sasa kwani licha ya uhifadhi taarifa lakini kinazipunguzia gharama za uendeshaji kwa taasisi na makampuni, hasa ya Kifedha, Bima na Mawasiliano.
Alisema alisema taasisi au makampuni yanayotumia kituo hicho yanakuwa na usalama mkubwa wa kuhifadhi taarifa zao, na pia hayana haja ya kuwa na vitengo vikubwa vya IT na vifaa vyake kwani shughuli kubwa hufanywa na wataalam wa kituo cha Data Center.
Alisema vaida zingine ambazo hupata mteja wa Data Centre ni pamoja na usalama wa taarifa na ulinzi kwani kituo kinatumia mifumo ya kisasa ya uhifadhi pamoja na kuwa na vyanzo vya uhakika wa umeme zaidi ya vitatu ambavyo uhakikisha taarifa zipo salama muda wote.
Mkurugenzi Marwa alisema kwa sasa Kituo cha Kutunza Data Kimtandao (Data Centre) kinahudumia jumla ya taasisi 211 za Serikali zikiwa taasisi 123 huku za binafsi zikiwa 85, huku akiziomba taasisi, makampuni na watu binafsi kujitokeza kwa ajili ya kupata huduma katika kituo hicho.
