

Katibu Mtendaji wa Bodi ya Filamu Tanzania, Dkt. Gervas Kasiga (PhD), kwa niaba ya Bodi, amempongeza mwanatasnia wa filamu na michezo ya kuigiza nchini, Stella Mbuge @officialstellambuge, baada ya kushinda tuzo ya Best MVAA Upcoming Actress of the Year 2025. Tuzo hizi zilitolewa usiku wa tarehe 11 Oktoba 2025 na Music Video Africa Awards (MVAA), zilizofanyika Jijini Lagos, Nigeria.

Stella Mbuge aliwania tuzo hizo kupitia tamthiliya mbili alizocheza, “Nuru” na “Jiya”, na ushindi wake unadhihirisha mafanikio yanayopatikana na wanatasnia wa filamu na michezo ya kuigiza nchini Tanzania. Hali hii pia inaonyesha maendeleo ya sekta ya filamu, ambapo vipaji vya wanatasnia vinaendelezwa kwa njia endelevu kupitia mazingira wezeshi ya kisekta.
Akizungumza kupitia mazungumzo ya simu Dkt. Gervas Kasiga (PhD) alimtakia kheri Bi. Stella Mbuge katika safari yake ya kurudi nchini Tanzania, huku akisisitiza umuhimu wa kusherehekea mafanikio ya wanatasnia wa ndani katika michango yao ya kimataifa.

NDANI ya MSIKITI ALIOJENGA FARID MUSSA wa YANGA – AUPA JINA la MAMA YAKE – ”AISHA”…









