Taasisi ya Kuzuia na Kupambana na Rushwa (TAKUKURU) inawatafuta Alex Msama Mwita na Benny Mwita Sammoh kwa tuhuma za uhujumu uchumi ikiwemo kughushi nyaraka, udanganyifu na utakatishaji fedha katika Shauri Na. 1371/2026 lililofunguliwa Mahakama ya Hakimu Mkazi Kisutu tarehe 21 Januari 2026.
Watuhumiwa wanadaiwa kughushi hati ya kiwanja kilichopo Vijibweni, Kigamboni, na kukiuza kwa kampuni ya World Oil Tanzania Limited, ambapo walijipatia Sh. 984 milioni; kati ya hizo Sh. 370 milioni zilihamishiwa kwa Alex Msama Mwita. Baada ya kushindwa kuripoti TAKUKURU Desemba 2025, hati za kuwakamata zilitolewa, na kesi itatajwa tena 25 Februari 2026.
TAKUKURU imeomba wananchi kutoa taarifa zitakazosaidia kuwapata watuhumiwa hao kupitia ofisi zake au simu 0738 150236, na imetoa onyo dhidi ya rushwa na udanganyifu katika umiliki wa ardhi.
The post TAKUKURU Yawatafuta Alex Msama na Benny Mwita kwa Tuhuma za Uhujumu Uchumi – Video appeared first on Global Publishers.
