Toyota Land Cruiser 300 (LC300) imekuwa gumzo barani Afrika tangu kuingia sokoni, ikiwa imebeba jina kubwa la uimara na uwezo uliotokana na historia ya zaidi ya miaka 70. Ndani ya familia hii, kuna matoleo matatu makuu ambayo watumiaji wengi husikia lakini hawajazoea kuyatofautisha kwa undani: GX-R, GR-S na ZX. Kila moja limebuniwa kwa malengo tofauti—kutoka The post Usiyoyajua Kuhusu Toyota Land Cruiser Gx-R, Gr-S Na Zx (Lc300 Series) appeared first on Global Publishers. Read More

Serikali ya Jamhuri ya Muungano wa Tanzania imethibitisha kuendelea kulisaidia Bonde la Mto Nile, ikisisitiza kuwa Tanzania inatambua thamani kubwa ya rasilimali maji katika bonde hilo na umuhimu wa usimamizi shirikishi kwa maendeleo ya nchi wanachama.Akizungumza katika mkutano huo uliofanyika tarehe 06 Disemba, 2025 jijini Bujumbura nchini Burundi, Naibu Waziri wa Maji Mhandisi Kundo Andrea Mathew amesema kizazi cha sasa kina wajibu wa kuhakikisha Mto Nile unaendelea kutiririka kwa manufaa ya nchi zote zinazoutegemea, akisisitiza umuhimu wa majadiliano endelevu na ushirikiano wa kikanda.Mhandisi Kundo amesema mipango ya pamoja ya usimamizi shirikishi wa rasilimali za maji ni muhimu katika kuhakikisha usalama wa maji na kuimarisha mahusiano ya Kimataifa, akiongeza kuwa kufanya kazi kwa kutengana ni mtazamo uliopitwa na wakati.Pia, Mhandisi Kundo amesisitiza umuhimu wa nchi wanachama kutimiza wajibu wao wa kulipa michango inayoiwezesha taasisi hiyo kufanya kazi zake ipasavyo, akisema ulinganifu wa mchango wa kifedha ni chachu ya uendelevu wa miradi katika Bonde la Nile.Hata hivyo Mhandisi Kundo amesema ili Bonde hili liendelee kuwa na tija, mataifa yote yanapaswa kuimarisha mshikamano, kushirikiana katika kutatua changamoto na kuhakikisha matumizi ya rasilimali maji yanazingatia usawa, haki na uwajibikaji.  Read More

Serikali wilayani Bukombe imefanya hafla ya kuwapongeza walimu wa shule za Msingi katika wilaya hiyo ambapo wilaya hiyo imekuwa ya kwanza katika halmashauri 6 za mkoa wa Geita kwa kufaulisha wanafunzi kwa asilimia 86.37% darasa la 7.Akitoa taarifa ya ufaulu wilayani humo afisa elimu awali na msingi Marycelina Coelestine Mbehoma amesema kuwa ufaulu huo ni ongezeko la asilimia 9.37% ikilinganishwa na ufaulu wa mwaka 2024.Kwa miaka mitatu mfululizo halmashauri hiyo ilikuwa ikishuka katika asilimia za ufaulu wa mitihani ya darasa la 7 hali iliyokuwa ikiisononesha Idara ya Elimu ya awali na msingi hivyo kuweka mikakati madhubuti iliyosaidia kupanda kwa matokeo ya mwaka 2025.Mkurugenzi mtendaji wa Halmashauri ya wilaya ya Bukombe bi Adelina Mfikwa amewataka walimu katika halmashauri hiyo kufanya majukumu yao ya serikali kikamilifu ili kutimiza malengo ya kuongeza ufaulu wa wanafunzi.Bi Mfikwa alisema kuwa katika halmashauri hiyo ni mwalimu hatakiwi kufanya shughuli za bodaboda, ulevi pamoja na utoro mashuleni ili kusimamia  majukumu yao kikamilifu."Ninatambua kama mwajiri ninatambua kuwa wapo walimu ambao hawatimizi wajibu wao, kuna wengine nimewaona ni bodaboda, inawezekana wenyewe hawajui kama mimi nafahamu lakini nafahamu wanaendesha bodaboda, wapo walevi, wapo watoro, mimi nataka mtu afanye kazi na atimize wajibu wake" alisema Mfikwa.Aidha katika kupambana na utoro mashuleni katika wilaya ya Bukombe mkuu wa wilaya ya Bukombe Paskasi Muragili ameagiza kukamatwa kwa mzazi ambaye mtoto wake atafikisha siku 14 bila kuwepo shuleni.Hatua hiyo imefikiwa baada ya idadi ya watoto wanaokatisha masomo bila sababu za msingiili kuongezeka hivyo ili kupunguza idadi hiyo hatua mkuu wa wilaya hiyo ametoa maelekezo. Read More

Na Meleka Kulwa-Dodoma Hospitali ya Benjamin Mkapa imesogeza huduma zake za afya hadi katika Viwanja vya Mnadani Msalato jijini Dodoma, ikiwa ni sehemu ya Maadhimisho ya Siku 16 za Kupinga Ukatili wa Kijinsia na Ukatili dhidi ya Watoto ambayo huadhimishwa duniani kuanzia Novemba 25 hadi Desemba 10 kila mwaka. Hatua hiyo imelenga kuwafikia wananchi ambao Read More

Balozi wa Tanzania nchini Zimbabwe, Mhe. CP – Suzan Kaganda, amekutana na kuzungumza na Mwenyekiti wa wa Wakuu wa Vyuo vya Ukamanda na Unadhimu Afrika (African Conference of Commandants-ACOC) Meja Jen. SJ Mnkande. Meja Mnkande ni Mkuu wa Chuo cha Ukamanda na Unadhimu Duluti-Arusha, na anaongoza ujumbe kutoka Jeshi la Ulinzi la Wananchi wa Tanzania Read More

Na Ashrack Miraji Fullshangwe Media  Serikali inatarajia kununua ndege mpya nane kwa ajili ya Shirika la Ndege la Tanzania (ATCL), hatua itakayoongeza uwezo wa shirika hilo kupanua safari zake za ndani na nje ya nchi. Waziri wa Uchukuzi, Profesa Makame Mbarawa, amesema pamoja na ongezeko hilo, ni muhimu ATCL kupunguza gharama za uendeshaji na kuhakikisha Read More

Tume ya Nguvu za Atomu Tanzania (TAEC) imefanikisha kuendesha mafunzo ya kitaifa ya siku nne kuhusu usalama wa mionzi ya mashine za X-Ray na vyanzo vingine vya mionzi vinavyotumika katika upigaji picha za kitabibu kwa binadamu. Mafunzo hayo yalifanyika kuanzia Jumatatu, tarehe 1 hadi Alhamisi, tarehe 4 Desemba 2025, katika ofisi za TAEC Kanda ya Kaskazini jijini Arusha, na yalihusisha takribani washiriki 50 kutoka sekta mbalimbali muhimu nchini.Mafunzo hayo yalifunguliwa rasmi na kufungwa na Dkt. Denis Mwalongo, Mkuu wa Kanda ya Kaskazini wa TAEC, aliyesimamia hafla hizo kwa niaba ya Mkurugenzi Mkuu wa TAEC, Prof. Najat Kassim Mohammed.Katika hotuba yake ya ufunguzi, Dkt. Mwalongo alisisitiza umuhimu wa usalama wa mionzi katika kulinda wafanyakazi, wagonjwa, umma na mazingira. Alibainisha kuwa mafunzo hayo ni kielelezo cha dhamira ya TAEC ya kuendelea kujenga uwezo wa kitaifa katika matumizi salama ya vifaa vya nyuklia.“Mafunzo haya si suala la kufuata taratibu pekee; ni kuhusu kukuza utamaduni wa uwajibikaji na uelewa miongoni mwa wataalamu wanaofanya kazi na vifaa vinavyotoa mionzi,” alisema Dkt. Mwalongo.Mafunzo yalilenga kuwapatia washiriki ujuzi wa nadharia na vitendo kuhusu usalama wa mionzi. Mada kuu zilizojadiliwa ni pamoja na: Utangulizi wa mionzi ayonisha, Vipimo na viwango vya mionzi, Matumizi ya mionzi ionizishi, Athari za kibaolojia za mionzi, Muhtasari wa mionzi isiyo ionizishi, Udhibiti wa kisheria wa vyanzo vya mionzi Tanzania, Mfumo wa kimataifa wa ulinzi wa mionzi, Vipengele vya udhibiti wa mionzi kazini, Hatua za ulinzi wa mionzi kwa wafanyakazi, Uboreshaji wa ulinzi wa mionzi katika ICT, Ubunifu wa majengo na vipengele vya usalama, Mpango wa uthibitisho wa ubora kwa mionzi ya kitabibu, Uboreshaji wa ulinzi wa mionzi kwa watoto, Uundaji wa programu za ulinzi wa mionzi, Upimaji na ufuatiliaji wa mionzi, Mionzi ya kitabibu na usimamizi wa dozi kwa wagonjwa, Uboreshaji wa ulinzi wa mionzi katika radiografia, Vipengele vya ulinzi wa mionzi katika radiografia ya kidigitali, Majukumu ya Maafisa Usalama wa Mionzi (RSOs)Aidha, washiriki walitembelea Maabara ya Dosimetry na Maabara ya Secondary Standard Dosimetry Laboratory (SSDL) ya TAEC, ambapo walipata nafasi ya kutekeleza taratibu za usalama wa mionzi kwa vitendo.Mafunzo haya yalilenga kuongeza uelewa, kuboresha ujuzi wa kiufundi, na kuhamasisha matumizi salama ya vyanzo vya mionzi katika sehemu za kazi. Kupitia mafunzo haya, TAEC inaendelea kuimarisha uwezo wa kitaifa katika usalama wa mionzi.TAEC ina jukumu kubwa la kudhibiti na kuendeleza matumizi salama ya teknolojia ya nyuklia nchini Tanzania. Hatua zake zinaendana na viwango vya kimataifa na zinachangia katika malengo ya maendeleo ya taifa, kuhakikisha kuwa sayansi na teknolojia ya nyuklia zinatumika kwa uwajibikaji na usalama katika sekta ya afya.Akitoa ujumbe wa Mkurugenzi Mkuu, Dkt. Mwalongo alieleza shukrani za Prof. Najat Kassim Mohammed kwa washiriki na kusisitiza maono ya TAEC kwa siku zijazo:“Usalama wa mionzi ni kiini cha dhamira yetu ya kulinda maisha huku tukisonga mbele na teknolojia ya kitabibu. Kupitia uwekezaji katika mafunzo na ujenzi wa uwezo, TAEC inathibitisha upya kujitolea kwake kuhakikisha Tanzania inabaki mstari wa mbele katika matumizi salama na yenye uwajibikaji ya teknolojia ya nyuklia,” alisema Prof. Najat Kassim Mohammed.Tume ya Nguvu za Atomiki Tanzania (TAEC) ndiyo mamlaka ya kitaifa yenye jukumu la kudhibiti, kuendeleza, na kuhakikisha matumizi salama ya teknolojia ya nyuklia nchini. Kupitia mafunzo, utafiti, na udhibiti wa kisheria, TAEC inalinda afya, usalama na mazingira huku ikisaidia maendeleo ya kisayansi na kiteknolojia ya taifa. Read More

Dar es Salaam, Disemba 5, 2025 — Serikali imesisitiza kuwa wanasayansi na wahandisi wanabeba jukumu kubwa katika kufanikisha dhamira ya Tanzania ya kujenga uchumi wa viwanda. Kauli hiyo imetolewa na Waziri wa Elimu, Sayansi na Teknolojia, Prof. Adolf Mkenda, katika Mahafali ya 19 ya Taasisi ya Teknolojia Dar es Salaam (DIT).Prof. Mkenda amesema taifa linahitaji wataalamu wabunifu na wenye ujuzi wa kisasa ili kuongeza tija, kutumia teknolojia kwa ufanisi na kufungua fursa mpya za maendeleo. Amesema Serikali inaendelea kuboresha elimu ya ufundi ili vijana waweze kujiajiri na pia kutekeleza majukumu ya kitaalamu ndani ya sekta za uzalishaji.Uwekezaji Mkubwa Katika TEHAMA na ViwandaWaziri Mkenda amesema Serikali imewekeza Dola za Marekani milioni 90 kupitia mkopo nafuu wa Benki ya Dunia kwa ajili ya kuimarisha miundombinu na mafunzo ya ufundi nchini. Kupitia fedha hizo:Kituo cha Umahiri cha TEHAMA (RAFIC) kimeanzishwa DIT Dar es Salaam kwa ajili ya kukuza wataalamu wa teknolojia ya habari.Kituo cha Umahiri cha Uchakataji Bidhaa za Ngozi (CELPAT) kimeanzishwa DIT Mwanza ili kuimarisha ujuzi katika sekta ya ngozi na kuongeza thamani ya bidhaa za ndani.Amesema uwekezaji huo ni sehemu ya mageuzi ya elimu yanayosukumwa na Rais Dkt. Samia Suluhu Hassan, ambaye anataka vijana wapate elimu inayowaandaa kuhimili ushindani wa kimataifa na kuchochea uchumi wa viwanda.“Kiwanda Ndiyo Darasani” — DIT Yajikita Katika VitendoMkuu wa DIT, Prof. Preksedis Ndomba, amesema taasisi hiyo imeendelea kuboresha mfumo wa ufundishaji kwa kuzingatia mafunzo ya vitendo. Kupitia dhana ya “kiwanda ndiyo darasani”, wanafunzi hutembelea viwanda mara kwa mara, kushiriki miradi ya ubunifu na kutatua changamoto halisi za uzalishaji.Amesema mbinu hiyo imeongeza uwezo wa wanafunzi kuvumbua teknolojia mpya, kuanzisha makampuni na kuwa tayari kuingia kwenye soko la ajira bila vikwazo.Wahitimu 1,341 Watunukiwa VyetiKatika mahafali hayo ya duru ya kwanza, jumla ya wahitimu 1,341 walitunukiwa vyeti katika ngazi za Astashahada, Stashahada, Shahada na Shahada ya Uzamivu.Prof. Mkenda aliwataka wahitimu kutumia vyema ujuzi wao, kuwa wabunifu na kuchangia kikamilifu katika maendeleo ya taifa. Read More

Na Mwandishi Wetu, Handeni TC Madiwani wa Halmashauri ya Mji Handeni wameaswa kuzingatia miiko ya viongozi wa umma na kudumisha uadilifu katika utekelezaji wa majukumu yao. Akizungumza katika hafla ya ufunguzi wa Baraza la Madiwani Desemba 4, 2025, kwenye ukumbi wa Halmashauri ya Mji Handeni, Bakari Mussa kutoka Ofisi ya Sekretarieti ya Maadili ya Viongozi wa Umma amewataka madiwani hao kuzingatia maadili, kuepuka mgongano wa maslahi, na kushirikiana kikamilifu na Mkurugenzi wa Halmashauri katika kusimamia shughuli za maendeleo. Kwa upande wake, Mkurugenzi wa Halmashauri ya Mji Handeni, Maryam Ukwaju, amewahimiza madiwani kufanya kazi kwa kuzingatia maslahi mapana ya nchi na ya Halmashauri. Amesisitiza umuhimu wa uwajibikaji na kujiepusha na vitendo vinavyohatarisha uadilifu wa utumishi wa umma. Read More

Viongozi wa kata ya Kalangalala katika halmashauri ya manispaa ya Geita leo Disemba 04, 2025 wamempokea diwani wa kata hiyo Reuben Sagayika katika hafla fupi iliyohudhuriwa na wenyeviti wa mitaa ya kata hiyo, wakuu wa idara za elimu, afya na maendeleo ya Jamii na baadhi ya walimu wa shule zilizopo katika kata hiyo.Hafla ya mapokezi imefanyika katika ofisi za kata hiyo zilizopo halmashauri ya manispaa ya Geita, akitoa taarifa ya maendeleo ya kata kwa kipindi cha mwezi Julai hadi Novemba mwaka wa fedha 2025/2026, Afisa mtendaji wa kata ya Kalangalala Bw. Emmanuel Bomani amesema wamefanikiwa kusajili wakulima 86 katika mfumo ili kuwawezesha kupata mbolea za ruzuku huku Diwani mstaafu Prudence Temba akiahidi kuendelea kutoa ushirikiano.Akizungumza mara baada ya kukabidhiwa rasmi ofisi Reuben Sagayika ameeleza kuwa atafanya ziara ya kutembelea mitaa yote 11 ya kata hiyo na kuzungumza na wananchi juu ya kero na masuala mbalimbali kwa maendeleo ya kata. Read More